هو مفيد جدا وعملي جدا جدا بالنسبه لشوراع سمنود الضيقة اللي ما يعرف يدخلها التاكسي لكن المشكله الكبيرة ان اصبح شغله من لا شغله له أو بمعنى تاني بتلاقي معظم السواقين اطفال ومراهقين واهم شيء عندهم صوت الكاسيت أو الإم بي ثري اللي في التوكتك ناهيكم عن انهم اصلا ما بيعرفوا يسوقوا ودا بيعرض حياة الركاب للخطر بالإضافة إلى إستدراج بعض البنات والحوادث اللي بتحصل وسرقة الدهب والإغتصاب …. الخ الرقابه مطلوبه على اي شيء موجود في حياتنا والترخيص لازم علشان يكون شرعي ويحددوا سن اي حد يسوق علشان ما تكون ارواحنا لعبة في ايدي اطفال .

هو كويس جدا فى الظروفة الى موجودة فى البلد بسبب البطالةوبيوفر عدد فرص عمل كويسة بس لايوجد لسة ترخيص ولا رقابة وتسعيرة ولا اى مسؤليةفين مجلس المدينة فين المسئولين عن البلد فين اعضاء مجلس الشعب والشورى الى بنشفهم بس فى فترة الانتخابات دة احسن مشروع فى توظيف الشباب بس بدون اى رقابة ولا سيطرة علية ياريت يكون فى رقابة وترخيص بالنسبة للتوكتوك وللسائق وياريت اشوف البلد صورة فى احسن من كدة

هو كويس بس كترته بيعمل حوادث كتير

يا جماعة التوكتوك حل ازمة فى سمنود بس ياريت التكاتك دى تترخص واللى يسوقه يكون معاه شهادة حسن سير وسلوك انتم عارفين ليه طبعا

هو التوكتوك جميل بس بيجي من وراه مشاكل كتير اوي
ياريت شوية رقابة

كل شيء في حياتنا ليه سلبيات وليه ايجابيات بس علي حسب نسبة الايجابيات لو اكتر من السلبيات اكيد هيبان ان المشروع ناجح جدا ودا كان الاول بالنسبة للتكتك انما حاليا سلبياته كترت يبق حاليا هوا مشروع فاشل المشكله مش في ترحيص بس ياجماعه ولا رقابه المشكله في مجتمع زي مجتمعنا في سمنود احنا ذات نفسنا مش بنحب غير الشيء السلبي تملي لو حد عمل مشروع كله يعمل زيه علشان شاف ان المشروع شغال وبيكسب فاحنا علشان نعالج مشكلة زي دي لازام وقبل كل شيء نعالج مجتمعنا الاول وساعتها مش هيبق فيه مشاكل لا تكتك ولا غيره

هو كويس جدا بس اكيد زى ما له سلبيات له ايجابيات هو المفروض يكون فى شويه رقابه

انا عايز يتشال خالص لان اللى بيركبوة عيال صغيرة لسة ممكن يعورو حد ..m..a..

مشروع جميل بس عاوز تقنين يعنى يكون له قانون ويطلع له رخصه والأهم رخصه قياده وتتعمل اختبارات للسائقين يعن مانشوفش واحد عنده 10 سنين سايق التوكتوك وياريت تكون فيه حاجه لمكافحه التلوث السمعى اللى بيطلع منه ( الكاسيت يعنى )

رأيى فى التوكتوك انه من يوم ما أتعمل ما جاش من وراه غير المصائب شوية واحــد يتخطــف ويتقتل ويترمى بالتوكتوك فى الميه ويطلعوا جتثه بعد 3 أيام …….خلاص سبنا من دى
غير ان اللى بيسوقه عيال صغيرة وبعدين العيال دى تتخطف ويطلع عليهم ناس تضربهم بالسكاكين ويسرقوا التكتك……..
ده غير كمان انه كتر اوى دا التكاتك بقت اكتر من الناس
وبعدين زود عند الناس الجشع….ازاى
فى الاول الموضوع بدأ بحوالى 10 الى 15 تكتك فجأة الناس بصت لرزق غيرها وطمعت لغيت ما انفجرت نافورة التكاتك وظهرت انفلونزا التكتك Ahmed&Nada

بسم الله الرحمن الرحيم
التكتوك وسيلة تنقل متميزة فى هذة البلد الطيبة .
ولكن عند الزيادة عن الحد المسموح بة تنقلب النعمة الى نقمة, حيث سمع معظم الناس عن الحوادث التى حدثت فى هذة المدة القريبة , مما ادى الى تأثر الناس بذلك و اصبح الرعب و الخوف فى قلوب السكان .
لحل هذة المشكلة اقترح بوجود رقابة عالية على التكتوك و اصحاب التكتوك
عن طريق الترخيص و ما شابة .
(((((((((((((((و الله انا اوقات باشوف التكتوك من دول و احس انة مش توكتوك . احس انة غرفة نوم من كثرة الزينة و الدباديب الموجوة و العناية الفائقة فية ))))))))))))))))))))

شكراااااااااااا

واللة دة اللى ناقص تكوسة موديل 80 مالية البلدوبدال ما تتغير استوردولنا توكتك والة هوة دة التقدم بعينة يعنى على اخر الزمن الخليج يستورد عربيات همر وبورشا من المانيا واليابان واحنا بنستوردتو كتوك من الهند وباكستان

والله يا جماعة هو تمام بس لازم يكون فى عدد محدود ولازم يكون إلى سايقة معاه رخصة قبادة

بجد حرام الى بيحصل يعنى الواحد يجيب التكتك ياكل عليه عيش ويتاخد منه بجد ليه حق يسرق ويقتل

علي فكره دا بزود الازمه كل الخرجين بتستهل وتشتغل على توك

كمان بينفع في الشتا وبينفع لكبارالسن والشخشوخة وبينفع في السوق بس مش بينفع في حاجات تانية زى المخدرات وغيره وغيره انتو اكيد عارفنها ومش هقدر اكتبها عشان الاطفال والبنات اللى بيقراءو الموضوع ربنا يهدى يارب

هو يعنى لو كان التوكتوك دة تاكسى والبلد وسعوها شوية مش كان يبقى احسن يا سمنودية وعلى فكرة سمنود حلوة بس محتاجة نضافة شوية

هههههههههههههههههههه يا جماعه سمنود دى بلد التاكت

مشروع التكتك مشروع حيوي جدا في مدينة سمنود ويساهم في خدمة النقل السريع داخل المدينة ويساعد أيضا في القضاء عل البطالة ولكن يلزمهه بعض الضوابط مثل عمل لوحات معدنية مرقمة من قبل المرور حتي يتمكن سائق التكتك بالتجول بحرية

هوة جميل جدا ومفيد لناس كثير بس فى نفس الوقت بيحصل بسببة مشاكل بالجملة

كويس والله بس لويبقى فى تعديل فى الشكل والحجم…

التكتك هايل لأنه يتناسب مع طبيعة حجم معظم الشوارع في سمنود ولكن عدم وجود الرقابة والإدارة في أي مشروع تهدر الفائدة بالكامل وذلك يبدأ من اول شخصية السائق حتى فرد المرور المسئول عن التزامه ومخالفاته وطبعا عندنا لايوجد من يوسئل عن ذلك و لابد من توفير الطريقة التي يتحقق بواستطها الإستفاده منه بدون مشاكل
ماحوظة:-
أرى أن معظم الآراء تتفق في أنه لابد من تحرك المسئولين وفرض نظام للرقابة
والخروج من الموضوع بالفائدة فقط بدون سلبيات ترعب الناس من إستخدامه

السلام عليكم …تحية الى الحاج محمد بركات عمدة ميت عساس …فعلا لو فيه حصر لاعداد التوكتوك وبعدين كل واحد له رقم مميز واسم صاحبه عليه نسبة كبيرة من اللي بتعمل مشاكل هتخاف عشان من السهل ان الواحد يتعرف عليهم..انما دلوقتي لو فيه بنت في الشارع وراح واحد في توكتوك مد ايده ولمسها هتعرف تجيبه؟ ابدا لانهم شبه بعض…انما لو فيه اسم صاحب التوكتوك عليه من بره هيتعرف علطول

التكتوك حاجة كويسة وشغل للناس الا مش لقيها شغل بس فى بعض الناس بتستخدمو فى حاجات غلط فى الاجرام والاقلت الاداب وللة عيب جدا الابيحصل دة فى ناس عايزة تعيش بدل كل يوم واحد بيموت عشان لقمة العيش وفى ناس كتير بتتظلم بسب ناس تانية بس التكتوك حاجة جميلة بس ياريت نستخدمو صح

هو جميل جدا بس في حاجه الناس اللي بتسوقه بيبقو طماعين جدا وناس كويسه جدا وناس رخمه جدااااااااااااااااااا

بصوا ياجماعة هو كويس لانك لومتاخر ع شغلك م تاخده وسلبياته انه الناس اصبحت بتستهل يعنى محدش حاليا بيمشى الكل حالا يركب وخلاص ويقول اهو جنيه وراح هههههههههههههههههه المفروض انه يكون فيه توازن بين ركوبه وطبعا المشى والمشى رياضة

ياعينى عليكى يا ساره
رياضه
ربنا يخليكى لمصر والله

هو كويس اوى وبيريح ناس وممكن نمشى بردوا لو مش مستعجلين وطبعا المشى رياضه زى ما ساره بتقول عشان متقولش ان انا بتريق ولا حاجه

هوكويس بس فى نقطة افرد مافيش تكاتك ولا تاكسى كنا هنعمل ايه

لازم مجلس المدينه ينظم سيره ولو المجلس يحصل منهم كل واحد مثلا 5 جنيه باليوم نظير عمل اليه تنظمه وطبعا يكون فى اختبار وسن محدد لقائده مش واحد عمره 10 سنوات ولو تسبب فى حادث لا نعرف ناخد لا حق ولا باطل فى بلاد مرخصينه وله رقم من مجلس المدينه بحيث لو اى واحد تجاوز يمكن الابلاغ عنه ومعرفه هويته

ياريت يا جماعة لو حد عندة معلومات عن تاريخ انشاء كوبرى سمنود الرابط بين سمنود ومنية سمود لو حد عن معلومات ياريت يكتبهالى عن تاريخ انشائة و من المصمم

بص يامحمد اولا احنا جيران وانا اعرف الحج فتحى كويس الله يرحمه ويحسن اليه كان راجل فعلا محترم جدا المهم المعلومات اللى عندى عن الكوبرى ده كالاتى…الكوبر ده كان خلال الفتره التانيه فى وجود مصطفى باشا النحاس فى الوزاره يعنى مابين فتره 39و42وهو الى افتتحه كمان ومش بس كده كان معاه الملك فاروق لانه كان عايز يكسب وده عشان يقف بجواره بحكم انه زعيم الاغلبيه فى الهجمه الشرسه اللى الانجليز عملوها على الملك فاروق قبل حصار قصر عبدين لا الملك كان بيكرهم جدا بص انا مش متاكد من المعلومه اللى جايه دى انا كان تمنه بصل
واللى بناه النجليز وكانا الانجليز بيستورده من مصر القطن والبصل بصرحه مصطفى باشا عمل لسمنود ومصر عموما كتيراوى

جميل اوى انا شخصيا بحب اركبه كل يوم 5 مرات…

السلام عليكم ورحمة الله وبركاته
بالنسبة لمشروع التوكتوك مشروع جيد وحل مشاكل البطالة ولكن لازم يكون له ضوابط للاستخدام السليم يجب يضع له تراخيص ونمر للحد من المعاكسات والحوادث وشكراً
أخوكم رضا مجر من السعودية

التوكتك دا يا جماعة معدش ينفع نستغنى عنة ابدا , لانة ببساطة بقى حاجة ضرورية جدا جدا لمعظم شباب البلد سواء سمنود او المنيه , وبعدين كفاية الاغانى اللى نزلت بسببة , دا بيقولك ( توكتك يا ابن بلادنا يا منزه اولادنا ) ال منزه ااال, وبعدين انا شخصيا معدش اقدر استغنى عنة لانة عودنى على قلة المشى ومحدش يحكى فى الموضوع دة بعد اذنكم يعنى

عندك حق علي الاقل لعدم تشويه الميدان وعلي الاقل احنا مش اقل من المحله وطنطا وغيرهم هوا ميقدرش عندهم يعدي علي الطرق العموميه واحنا بنقول في اي مكان في سمنود انما الميدان لا لانه وجه البلد وياريت يكون من الحكومه تسهيل شويه من ناحيه الترخيص علشان كل الي عنده توك توك يرخصه ويبقي معترف بيه وامان لينا كلنا

هو وسية مواصلات لاباس بها ولكن تحتاج الى رقابة حيث انة احيانا يقودة اولاد وبسرعة جنونية

للاسف انا بعتبروا ملجاء للحرمية والمتسولين وللاسف فى المحلة عندنا برضوا بقا زى الزفت وعامل زحمة وكل الحرمية الا ركبينة

والله مع ان التكتوك له فوائد كثيرة مثلا في الشتاء وفى الصيف اثناء الجو الحار والشمس الساطعة بس له اضرار كثيره مثل التلوث السمعى لان الشباب يعلون الكاسيت وممكن يخطفو اطفال بس والله العمده محمد بركات عامل شغل جبار رقم التكاتك واى حد يعمل مخالفة بيتربط فى اى عمود كهرباء امام الناس والحاج صلاح عامود شيخ البلد بيدى له علقة كويسة بتخليه يحرم بعدها نورا نصر

والله انتم مش فهمين اى حاجة في حاجة
انا عندى توكتك اسئلوني

انا كنت هموت في مرة بسبب ان واحد xxxx كان جاي معاكس للطريق وزقني ع الطريق وكان في عربية هدوسني لولا ستر ربنا لا وايه بعد كده يقولي مش تفتح
وتقول مش فاهمين حاجة
و على فكرة اللي كان سايقو راجل كبير